"Капстрой KG" компаниясы жаратылышты коргоо мыйзамдарын бузду

Кыргыз Республикасынын Жаратылыш ресурстары министрлигинин Экологиялык жана техникалык көзөмөл кызматынын Бишкек жана Аламудун райондору боюнча региондук башкармалыгы "Капстрой KG" компаниясында пландалбаган текшерүүлөрдү жүргүздү. Текшерүүлөрдүн жыйынтыгында жаратылышты коргоо мыйзамдары бузулганы, тактап айтканда, 2024-жылга чейин аттестациядан өткөн жана уруксат берилген чыгарууларсыз атмосферага булганыч заттардын залптык чыгарылышы аныкталды.

Бул бузукулук Кыргыз Республикасынын 1999-жылы кабыл алынган "Атмосфералык абаны коргоо жөнүндөгү" мыйзамын бузуу болуп саналат, бул өз кезегинде чөйрөгө жана жарандардын ден соолугуна терс таасир тийгизүүдө.

"Капстрой KG" компаниясынын администрациясы Кыргыз Республикасынын "Укук бузуулар жөнүндө" кодексинин 230-беренесине ылайык 28 000 сом өлчөмүндө административдик айыпка тартылды.

Экологиялык жана техникалык көзөмөл кызматы жаратылышты коргоо мыйзамдарын сактоону текшерүүнү улантып, компанияларга жана уюмдарга чөйрөнү коргоо боюнча бардык талаптарды аткаруунун зарылдыгын эскертет.