Экология министрлиги жаңы-жылга карата карагайларды кыюудан баш тартууга жана экологиялык таза альтернативаларды тандоого чакырат

Жаңы-жыл жакындаган сайын Кыргызстанда үйлөрдү кооздоо үчүн ийне жалбырактуу дарактардын кыйылышы салтка айланып, бул өлкөнүн экосистемасына олуттуу зыян келтирүүдө. Экология, жаратылыш ресурстары жана техникалык көзөмөл министрлиги жарандарды кыйылган карагайларды колдонуудан баш тартууга жана экологиялык жактан таза альтернативаларды тандоого чакырат. 

"Жаңы жыл — бул кубанычтын жана сыйкырдын майрамы, бирок аны майрамдоо жаратылышка зыян келтирбеши керектигин унутпоо керек. Карагайларды кыюу токой экосистемасын бузуп жатат жана биздин максатыбыз — кыйылган бак-дарактардын санын азайтуу, ошону менен бирге майрамдын атмосферасын сактап калуу", - деп белгиледи экология, жаратылыш ресурстары жана техникалык көзөмөл министри Медер Машиев. 

Табиятка зыян келтирбестен жаңы жылдык атмосфераны түзүү үчүн Министрлик үйлөрдү жасалгалоонун туруктуу жолдорун тандоону сунуштайт: 

*Майрамдан кийин бакчага отургузууга же токойго кайтарууга боло турган жаңы жылдык балатылар;

* Жасалма балатылар-бул көп жылдар бою колдонула турган бышык жана практичный вариант. 

Белгилей кетсек, карагай дарактын бийиктиги 3-5 метрге жетиши үчүн жай өсөт, түрүнө, климаттык шартына жана топурактын түрүнө жараша 20-30 жыл талап кылынат. Тоолуу аймактарда карагайдын өсүшү жайыраак, ал эми бөксө тоолордо ылдамыраак болушу мүмкүн, бирок баары бир толук дарактын пайда болушу үчүн кеминде 15-20 жыл талап кылынат. Бул токойлорду сактоо жана Жаңы жылды кооздоо үчүн экологиялык таза ыкмаларды колдонуунун маанилүүлүгүн көрсөтөт. 

Декабрь жана январь айларында ийне жалбырактуу дарактарды мыйзамсыз кыюу, өсүшүн токтотуу деңгээлине чейин зыянга учуратуу, жаңы жылдык ийне жалбырактуу дарактарды жана бадалдарды өз алдынча кыюу фактысы аныкталса тизмектик он эсе көп сумма прейскуранттык (базар) наркынын өлчөмүндө эсептелет. 

Кыргыз Республикасынын Өкмөтүнүн 2013-жылдын 3-майындагы № 224 «Юридикалык жана жеке жактар тарабынан өсүмдүктөр жана жаныбарлар дүйнөсүнүн объекттерине келтирилген зыяны үчүн айыптык төлөмдөрдүн өлчөмүн эсептөө үчүн салыктарды бекитүү жөнүндө» токтому.

Экология министрлиги ар бир жаран жаңы жылга үйлөрүн жасалгалоонун, экологиялык жана аң-сезимдүү жолдорун тандап, жаратылышты коргоого салым кошо аларын эскертет. Биргелешип, биз майрамдарды жандуу, кубанычтуу жана табиятыбыз үчүн коопсуз кыла алабыз.

Маалымдама: 

Бузуулардын түрлөрү: 

Такстар (сом менен) 

Бак-дарактарды жана бадалдарды мыйзамсыз кыюу жана зыянга учуратуу, күтүлбөгөн жерден түшкөн жана күтүлбөгөн жыгачтарды мыйзамсыз ээлеп алуу (уурдоо)

Ар бир кыйылган же бузулган дарак (бадал) үчүн: 10 жаштан ашкан дарактар жана кабыгындагы дүмүрдөгү диаметри бар дарактар: 

4,0 см чейин кошо алганда 381,

48 4,1 ден 8,0 см ге чейин 508,6 сом 

8,1 ден 12,0 см чейин 635,76 сом, 

12,1 ден 16,0 см ге чейин 762,92 сом, 

16,1 ден 20,0 см ге чейин 890,07 сом, 

20,1 ден 24,0 см ге чейин 1017,2 сом, 

24,1 ден 28,0 см ге чейин 1144,39 сом, 

28,1 ден 32,0 см ге чейин 1271,58 сом,

диаметри 32 смден жогору болгон ар бир см үчүн - 381,48 сом,

- бадал породалары - ар бир бадал үчүн-507,06 сом, 

- 10 жаштан ашкан, өсүүсүн токтотпогон ар бир зыянга учураган дарак же бадал үчүн 381,48 сом, 

ар бир килограмм жыгач үчүн:

- жаңгак кап; 500,2-сом,

- башка породалардын капы 250,08 сом