Экологиялык жана техникалык көзөмөл кызматы эс алуу күндөрү браконьерликке каршы тынымсыз иштешти
08-январь 2025, 13:57
2024-жылдын 2-январынан 7-январына чейин Кыргыз Республикасынын Жаратылыш ресурстары министрлигине караштуу Экологиялык жана техникалык көзөмөл кызматынын биоресурстарды контролдоо бөлүмүнүн кызматкерлери Чүй облусунун аңчылар коомунун эгерлери менен биргеликте дем алыш жана майрам күндөрүндө, браконьерлик активдешкен учурда, бир катар рейдтерди жүргүзүштү. Алардын үзгүлтүксүз ишинин натыйжасында аңчылык жана жаныбарлар дүйнөсүн коргоо мыйзамдарын бузган браконьерлер кармалды.
Оперативдик иш-чаралардын жүрүшүндө 5 мыйзамсыз атылган фазан аныкталды, бул аңчылык нормаларынын олуттуу бузулушу болуп саналат. Мыйзам бузуучуларга Кыргыз Республикасынын Укук бузуулар жөнүндөгү кодексинин 263-беренеси (Аңчылык эрежелерин бузуу) боюнча төрт протокол түзүлдү.
Иштин жыйынтыгы боюнча мыйзам бузуучуларга 50 миң сом өлчөмүндө айып пул салынып, экосистемага келтирилген зыян үчүн 25 миң сом доо коюлду.
Бул окуя өлкөнүн табигый ресурстарын коргоодо үзгүлтүксүз жана тынымсыз иштердин маанилүүлүгүн көрсөтөт. Экологиялык жана техникалык көзөмөл кызматы мыйзамсыз аңчылыкка жана табигат коргоо мыйзамдарын бузууга каршы активдүү ишмердүүлүгүн улантууда.